Roli i letërsisë në formimin e imagjinarit të një vendi

Rasti i letërsisë Shqipe në Itali

Abstrakti

Fokusi i këtij studimi është identiteti kulturor i një vendi në raport me paraqitjen e tij në botë nëpërmjet teksteve letrare. Çfarë e përcakton identitetin letrar të një tradite? Çfarë e bën atë unike në raport me letërsitë e tjera? Çfarë mund të themi për orientimin e kritikës letrare pas botimeve të para të autorëve/autoreve shqiptarë/e që tashmë janë pjesë e së ashtuquajturës ‗letërsi migrante‘?
Bazuar në faktin se imazhet kulturore, letrare, kinematografike dhe mediatike mund të transformojnë realitetin, mund të krijojnë dhe ushqejnë stereotipe, konflikte e mund të ndryshojnë mënyrën e të menduarit, ky artikull trajton çështjen e vetëprezantimit të një komuniteti dhe trajtimit që i bëhet nga kritika e huaj. Arsyeja pse jemi përqendruar te autorët shqiptarë që shkruajnë në italisht është se ata përbëjnë numrin më të madh të ‗letërsisë migrante‘ në Itali.