Rema dhe kontrasti në gjymtyrëzimin aktual të fjalisë

Abstract

Gjymtyrëzimi aktual është paketa informuese (angl. information packaging) e një fjalie, e cila tregon se si shtohet informacioni gjuhësor në një ligjërim të caktuar (Firbas, 1964, 1971; Contreras, 1976; Chafe, 1976 etj.) Sipas perspektivës dinamike funksionale, një kontekst apo një ligjërim shihet si një gjendje informative (angl. information state), kurse thëniet që thuhen a shtohen në këtë kontekst shihen si përditësime të informacionit (information update) që përmban vetë konteksti. Thëniet mund të përmbajnë diçka të njohur më parë nga konteksti ose diçka të re, gjë e cila i shtohet kontekstit apo gjendjes informative.