Leonard Dauti: “Gjedhet e eptimit foljor në gjuhën shqipe”

Abstract

Monografia “Gjedhet e eptimit foljor në gjuhën shqipe” me autor gjuhëtarin Leonard Dauti përfaqëson një model krejtësisht të ri të klasifikimit të foljeve në gjuhën shqipe, bazuar në teori bashkëkohore të trajtesave të tilla në rrafshin morfologjik. Pas botimit të librit “Hyrje në gjuhësi teksti” (Shtëpia botuese Ilar, 2017) dhe përkthimit të një prej gramatikave të rëndësishme të traditës, siç është “Gramatikë e gjuhës shqipe” (Fonetikë dhe morfologji) e Gjergj Pekmezit, ky studiues vjen me një monografi serioze nga fusha e morfologjisë.