Jani P. Gjika «Këngë Shqiptare të Kavo d’Oro» Athinë 1962

Résumé

Eshtë një broshurë me 27 faqe, botuar greqisht në Athinë më 1962. Autori, Jani P. Gjika. boton aty disa këngë shqipe interesante të mbledhura prej tij në fshatrat e Kavo d’Oro (Cepi i arit, një rreth i pjesës jugore të ishullit grek Eubea me banorë prej origjine shqiptare të vendosur atje sipas këtij autori, në vitet 1402 e 1425. Në fillim autori bën një përshkrim të topografisë dhe të gjendjes së atyre fshatrave — përmend 12 fshatra — dhe shënon se ato ndodhen ende në një gjendje të prapambetur «primitive», me një jetesë të varfër e të ashpër të banorëve të tyre. ku «mungojnë kushtet më elementare të një jetese shoqërore të kulturuar»: vetëm para pak vjetës, shton autori, filloi të përdoret atje llampa me vajguri, për ndriçimin e shtëpive!