Fjalëformimi në dritën e qasjeve dhe të prirjeve bashkëkohore

Konferencë shkencore ndërkombëtare

Résumé

Në kuadrin e Ditëve të Albanologjisë, veprimtarive të përvitshme të Akademisë së Studimeve Albanologjike, Instituti i Gjuhësisë dhe i Letërsisë organizoi më 17 dhjetor 2021 Konferencën shkencore ndërkombëtare “Fjalëformimi në dritën e qasjeve dhe të prirjeve bashkëkohore”, në të cilën, nëpërmjet prurjeve të shumta, bashkësia e kërkuesve shkencorë, e studiuesve dhe e pedagogëve u bë pjesë e një debati shkencor mbi probleme të ndryshme që lidhen me fjalëformimin në gjuhën shqipe, duke krijuar një tablo më të qartë të karakteristikave formale, funksionale dhe tipologjike të sistemit të fjalëformimit në gjuhën shqipe, nisur nga baza të ndryshme teorike. Në këtë Konferencë, përveç punonjësve të Institutit të Gjuhësisë dhe të Letërsisë, morën pjesë dhe studiues e pedagogë nga Universiteti i Tiranës, i Shkodrës dhe i Durrësit, si dhe nga Kosova.