Tekstet e ndërmjetësuara nga tekste përkohshmëria dhe ndërshtënia tekstore/pertekstualiteti

Résumé

Fusha e tekstorësisë, e përcjellë përmes vetë tekstorësisë, nuk i ka përvijuar ende mirë kufijtë dhe kjo ka kushtëzuar edhe mungesën e emërtimeve për të shënuar me saktësi dukuritë përkatëse. Me synimin e një sprove për nxjerrjen në pah dhe klasifikimin fillestar të shfaqjeve të tilla tekstore, në pjesën e parë të këtij punimi do të përpiqemi t’i emërtojmë si të “të përkohshme” këto tekste të shkruara në vende a sipërfaqe që nuk janë plotësisht të qëndrueshme, si pjesët e trupit (p.sh., lëkura, thonjtë, etj.), veshjet, muret dhe sipërfaqe të tjera (porta, pajisje etj.) të banjave publike, të bankave të shkollave, të mureve të jashtme, të stolave, të pemëve, e të tjera. Objektivi është të përpiqemi të sugjerojmë nevojën e zhvendosjes së opinionit për tekste të tilla nga një konsideratë përgjithësisht e rrënjosur, që i sheh si të përkohshme, të paqëndrueshme, në një arsyetim metagjuhësor të formuluar mirë; dhe t’i çmojmë ato si të vlefshme, kur zakonisht janë konsideruar pa ndonjë vlerë tekstore. Ndërsa në pjesën e dytë të punimit do të mundohemi të izolojmë tri tipe dukurish për të cilat propozojmë termat “kryqëzim tekstor”/ “crosstekstualitet”, “ndërshtënie tekstore”/“pertekstualitet” dhe “mbivënie tekstore”/“surtekstualitet”.