Rrafshimi i kundërvënies r - R në shqipen standarde në Kosovë

Résumé

Kundërvënia fonologjike r-R, në varietetin e folur të shqipes standarde në Kosovë, dhe në përmasa më të vogla edhe në variantin e shkruar, është duke kaluar fazën e fundit të rrafshimit. Matjet e bëra për këtë çështje me informatorë moshash, gjinish e nivelesh të ndryshme arsimimi, tregojnë se ky shfonologjizim është duke ndikuar njëkohësisht edhe në lindjen e një varianti të ri tingullor, i cili në aspektin nyjëtimor dallon nga dridhëset ekzistuese dhe, për pasojë, edhe në variantin e shkruar të shqipes standarde sot dalin ngatërrime të shumta në përdorimin e kundërvënies r-R.