Konstrukte me folje aspektive të fillimit të veprimit në gjuhën shqipe

Abstract

Në letërsinë gjuhësore konstruktet me folje aspektive të fillimit të veprimit nuk janë bërë objekt i një studimi tërësor. K. Cipua në sintaksën 1 e tij vetëm sa e prek këtë problem kur flet për aspektin. Në mënyrë të veçantë është marrë me to M. Çeliku në artikullin «Disa togje foljore në shqipen e sotme»2, ku skicohet në vija të trasha struktura e këtyre konstrukteve. Po, duke u bazuar në një material tepër të kufizuar, të mbledhur në disa të folme të Shqipërisë së Mesme, ajo paraqitje strukturore nuk është e plotë për shqipen.Në këtë kumtesë do të bëhet përpjekje për një trajtim sa më të plotë të strukturës së këtyre konstrukteve, duke vënë në dukje sidomos përdorimin e tyre në gjuhën letrare, në një farë mase, përdorimin nëpër dialekte, dhe për një thellim në analizën leksiko-gramatikore të komponenteve të tyre si dhe të konstruktit në tërësi.