Spiro Floqi dhe minimumi i domosdoshëm strukturor i fjalisë

Abstract

Qëllimi i kësaj trajtese do të jetë i dyfishtë. Së pari, do të mundohemi të sjellim në qendër të vëmendjes disa prej koncepteve strukturaliste bashkëkohore të gjuhësisë evropiane, me të cilat ka punuar sintaksologu Spiro Floqi. Së dyti, do të merren në shqyrtim komponentët minimalë të domosdoshëm të fjalisë, një çështje me rëndësi për sintaksën, e diskutuar fillimisht nga ky autor. Hulumtimi mbi përbërësit minimalë të domosdoshëm për strukturën e fjalisë do të mbajë peshën kryesore në këtë artikull. Vëmendja jonë do të përqendrohet posaçërisht në vendosjen e kritereve që përcaktojnë domosdoshmërinë apo fakultativitetin e komponentëve të fjalisë në shqipe, veçanërisht të ndajfoljeve dhe rrethanorëve.