Veçori leksiko-gramatikore të termave në Fjalor i termave të drejtësisë

Abstract

Terminologjia e drejtësisë në gjuhën shqipe është një fushë e dijës që është pasuruar në vazhdimësi. Një ndihmesë të vyer në fushën e terminologjisë së drejtësisë ka dhënë autori Sylë Kasumaj, duke botuar Fjalor i termave të drejtësisë, botim i Institutit Albanologjik të Prishtinës. Ndonëse nga kjo fushë janë botuar edhe fjalorë të tjerë terminologjikë, ky fjalor dallohet për prurje të shumta, dallohet për saktësi e qartësi, veçori që i japin vlerë shkencore këtij fjalori. Edhe pse autori nuk është gjuhëtar me formim, ai me këtë punë themelore e ka ndihmuar këtë fushë drejt rrugës së njësimit e të standardizimit, duke përmbledhur e shpjeguar rreth 6000 terma, terma që pasqyrojnë lëvizjet e sistemit konceptor të fushës së drejtësisë, që nga pavarësimi i Shqipërisë e deri në ditët tona. Këto lëvizje, që kryesisht u ndikuan nga faktorë jashtëgjuhësorë e pasuruan fushën e drejtësisë me njësi të reja, krijime brenda shqipes por edhe huazime, përveç atyre latine që konsiderohen bazë për këtë fushë, edhe me huazimet e kohëve të fundit, sidomos nga anglishtja. Në këtë punim studimor, do të ndalemi te veçoritë leksiko-semantike në këtë fjalor, duke parë, sidomos mënyrën e ndërtimit të termave.